Ksenmii Krool

SHILLONG THUNGKI WEBSITE KSEEM

Tpirjaakchaak

Doonkhaalnit, the 23^rd February, 2017

Karvang meek 15^th - 28^th March, 2017 thung pṭhunda neen Lamkaang (Ksenmii) rukka ICSSR, NEHU, Shillong, Meghalaya thungki website kseem thung mihai pjau chaanda. Hava training ditta kurchuk mudo tlot in ava dultipaam thung ki mpau kinvei chra kthe rekki talu heppi mpau in ava kunlorri ksinton lam donle website thu chatti ki nonaat ungta Kruung tpunlor chaak nrang kingi.

Hava kurchuk thung ngi kjau rek khimkhei ava’ North Eastern States of India thung ka’am msik msik ki chatti, NGO ungta ngi kurchukna mun thung mii rek kthleng lam.

1. Chatti ava Lamkaang, Poumai, Zou, Lushai-Mizo, Singsit-Kuki.
2. Meghalaya thung ka’am chaat rek avangi Khasi tribe and Kuki Worship Service, Happy Valley, Shillong.
3. Adi, Tani and Nishi chat rek avangi Arunachal Pradesh thung ki lam. Adi and Tani m’man vav rinktham lop ki lam ungta chatti ki tummi kthleng lam.
4. A Society for Promotion of Tribal Welfare and Development(SPTWD) ava NGO ki Delhi thung am lam da nong kthlo lam.
5. Kurchuk mun thung ngi amda nong kthlo rek avangi, “Antioch School.”

Kurchuk hava mṭut dil thangi kurchuk kjau rekki mdaksaa-mdaksaa website ka’am ra. Mdil thang ngi Kalaam Media Ltd kurdu thangngi amdon mthung tha tidaal kro, tulo pthi kro ava khim khei ja ka’am ra. Kum ki sum titai kro ava Kalaam Media Ltd ti kusut pṭoi ra.

Rev Fr Avince Anthony Dilbung le Mr Loveson Shilshi, Secretary of Lamkaang Literature Society (LLS) m’maan vengi Ksenmii ki tumma mijau piik inda website m’miing nga www.ksenmii.org dilamda mi thool piik inda ka’am ma. Hava website thung Lamkaang Ksenmii ki mlei, pau ki mlei, neen ki n’no paam ki mlei mkheng kjau ra. Hava le khim-khei ja text, video, audio, photo formats ti kjau ra ungta mthung tha kjau rek rang ava pda chatti ki kver rek dorot kurdu ngi tapjau ra. 

Kurchukpiik thung ki milai rek avangi; Mr. Jim Moore, USA, Kalaam Media Ltd., Mr. Aeron Joseph, Kerala Kalaam Media Ltd and Rev Helien Singsit, STEPS India m’maan lim lam.

www.thesangaiexpress.com/english-edition/

www.hueiyenlanpao.com/

Neen kihin nih aplungbin ungta apaukheel rek avah mheipo'hor chaan